الحلم للشاعر حامد زيد (( الديوان الثاني))

عضو نشط عدد الرسائل : 50 تاريخ التسجيل : 26/03/2008

الحلم للشاعر حامد زيد (( الديوان الثاني))

وقت من البطا وبليل تتراقص شياطينه
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
وانا اللي من تفارقنا وان ما غمضت لي عين
غريبه كل حلم يمر فرقادي تزورينه
والاغرب كيف احلم الحلم وارجع واحلمه بعدين
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين
انا اللي قبل اسافر شلت قلبي من شرايينه
تركته في يدك مثل الامانه واحفظيها زين
ترى حفظ الامانه دين مجبوره تردينه
اجل مافي احد قد قالك حفظ الامانه دين؟
مرد المقفي بيلفي ويستوفي وتوفينه
بعد ليله ثلاثه اربعه عشره شهر شهرين
اذا انتي مانتي قد الكلام اللي تقولينه
حرام استامنك حاجه ولا جيت طلبك تنسين
تخونين وتبين ارضى واحد يرضى تخونينه
انا لا جيت اخونك مع حبيبه ثانيه ترضين؟
من اول مارجعت من السفر ما شفت لك بينه
وانا اللي كنت احسبك قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلك من زود فرحة رجعتي تبكين
واشوف بدمعتك حكيك واعرفه قبل تحكينه
واجيب احلى من اللي بتحكينه واتركك تحكين
تقولين الوطن نور واقول بنور مضوينه
تقوليلي غديت احلا واقول عيونك الحلوين
كلام نام بشفاهك وخفتي لاتصحينه
ذخرتيه لغرام اللي ينام ويتركك تصحين
تغانمتي غيابه لين رجحتي موازينه
تعلم من يدك لمس الكفوف وعلمك تجفين
وليتك لاقيتبه شئ فيني ما تلاقينه
مهوب غرور لكن خابرك مالك امل تلقين
تغافلك بغلا ولا الحلا ماهوب من زينه
تزينه الصور بس الصحيح ابن الحلال زوين
وأنا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بظهري والسم مايذبح ثعابينه
على قول المثل ماني حلو لكن ماني بشين
اذا اهداك الزهر مره فانا اهديتك بساتينه
واذا الهاك بفرح ليله فانا تهت لبكاك سنين
واذا استضعفتك املاكه وشتتك ملايينه
انا حتى فتات الخبزة اقسمها معك نصين
طموحي بس اجي واضفر بشئ تستحقينه
تدينته تسلفته سرقته مو مهم منين
كاني من كثر ما ارضى بكل اللي تمنينه
لو انك تطلبين الله يعنيني بقول امين
انا ما العب على الحبلين وقت الطيش وسنينه
تبين الحين يوم اني كبرت العب على الحبلين؟
ترى عند البدو بالذات عيب اللي تسوينه
حلاتك لا عشقتيني تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا ولا عشق يذل اثنين
كثار اللي تحدوني وقالولي تحبينه
امانه لا تخليني صغير بعينهم تكفين
لأني كل ما قالوا تخون اقول مسكينه
عليك الله وامانه علميهم منهو المسكين
انا خايف ليا طاح الجمل تكثر سكاكينه
وانا معادت ضلوعي تحمل طعنة السكين
مثل ماقالو المكتوب واضح من عناوينه
لو ارحل منك للغربه اسافر من ظلامك وين؟
كفايه كل حلم يمر برقادي تزورينه
كفايه من تفارقنا وانا ما غمضت لي عين
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين

شكرا لك على هذا الموضوع يا صديقي العزيز