()( الغربة )() >>> قصيدة تستاهل وقتك

الغربـــــــــــــــــــة)
رفيقي...
ترى الغربة
مهي بغربة ديار ودار...
ولا غربة مسافات
واراضي طوال...
ترى الغربة...
الم يجرح
حزن قتال...
وإذا مره تبي تفرح...
تلاقي دمعتك تختال...
وينادي غالي أصحابك...
وراك بدمعتك جالس...
وتمسحها
وتناظر فيه مستانس...
وترجع دمعتك تغتال...
ويجيك الكل بيواسي...
ويلاقونك
جريحٍ فيه من كل المآسي...
يلاقون
الفرح جواك
رمادٍ ما بقى منه
سوى جرحك...
يلاقون بداخلك أسرى...
وثلاث جروح ما تبرى...
جروحٍ ذقتها بــ الأمس...
وجروح تخافها لليوم...
وجروحٍ تنتظر بكره...
وش بيدك؟
سواد الليل كم هدك...
وإذا جاك الحزن زاير...
تواسي دمعتك خدك...
وتلاقي كل أصحابك...
يعافونك من أحزانك...
وتسأل نفسك..اش ذنبك؟
إذا كان الحزن ضدك...
ومركب فرحتك ضايع...
ولا به صاحب يشدك...
إذا صار الزمن جايع...
رفيقي...
ترى مل الورق شكواي...
ومليت اشتكي همي...
وإذا انك بالدوى لي جاي...
حياتي ماهي بهمي ...

منقووول

سلامي لكم