### فرحة عاشقك ###

فرحة عاشقك

أنا ما أقول بسنينك تهنا

أنا أقول السنين أنت هناها

تباشرك بك لياليها وتسعد

وتحمد الله على خير عطاها

اهني بك حياتي يا قمرها

وأهني بك عيوني يا ضياها

وأهني بك غرام لك تجدد

على كل المحبين يتباها

ونسمات الصباح تحب قربك

تقول أنفاسك تعطر هواها

وفرحة عاشقك .. يانور عيني

أبد .. ما تنتوازن في مداها

تجدد مثل غيث من سحابة

على قفرا تشكى من ضماها

رواها .. وانتعش فيها زهرها

ألا يا الله لا تقطع رجاها

الله يجزيك الخير